Akky van der Veer

Akky van der Veer (Moarmwâld 1943) skreau romans en jongereinboeken, ferhalen, toaniel, kabaret en berneferskes. Se wie it meast súksesfol mei har jongereinboek Swart op wyt. Fan har histoaryske roman Grutte Wurden (1995) ferskynde sawol in Nederlânske as in Dútske oersetting Yn 2000 ferskynde it Boekewikegeskink Kuneara, in histoaryske novelle, dy't him ôfspilet yn 337. Akky van der Veer is ek aktyf as oersetter.

Op fersyk fan de Stichting It Fryske Boek skreau Akky van der Veer, mei Baukje Wytsma, muzykant Jaap Oosterwijk en yllustratise Laura Tietjens, foar de Fryske berenboekewike 1987 in boek mei as titel Disse en Jinge en frou Hilarides. It wie sa’n grut sukses dat se yn de jierren dêrnei noch twa kear in diel makke hawwe. Tagelyk makken Van der Veer, Wytsma en Oosterwijk in foarstelling mei deselde haadpersoanen dêr’t se skoallen yn de provinsje mei by del reizgen.